Où à la foiz orgueil n’abit.
Orgueil se muce en mainte robe,
Orgueil toutes vertuz desrobe,
Orgueil toutes vertus despoille,
Orgueil touz biens conchie et soille
Orgueil maint vaillant hom empire
Orgueil partout veult estre sire,
Orgueil partout est mal aisiez,
Orgueil est aigre comme aisiex,
Orgueil tous jors en venin tempre,
Orgueil par touz put tart et tempre,
Orgueil de tous maux est acointes,
Orgueil est fier, orgueil est cointes,
Orgueil est froiz et envieux,
Orgueil est fel et annuieuz,
Orgueil ne prise fol ne sage,
Orgueil est plains de grant ouït rage,
Orgueil est plains de grant desroi,
Orgueil cuide estre fil de roi,
Orgueil li quens plus quide estre[1],
Orgueil si est d’orgueilleuz estre,
Que soz ses piez veult toz mestre ;
Orgueil fu nez, ce dit la letre,
Et concéuz en paradis ;
Orgueil geta du ciel jadis[2]
Le plus bel angre que Dieux fit,
Qui por orgueil tant se meffit
Que volt samblanz et parenz estre
En paradis au Roi célestre ;
Mès quant vit Dieux l’outrecuidance,
Par sa force, par sa poissance,
El fonz d’enfer le balança.
Onques nus hons ne s’avança
D’estre orgueilleus, bien le sachiez.
Fi ! escopez et décrachiez
Doit estre orgueil de touz prodommes[3]
Fi ! fi ! orgueil tout décrachommes,
Car tant par est d’orde matère
Page:Rutebeuf - Oeuvres complètes, recueillies par Jubinal, tome II, 1839.djvu/329
Le texte de cette page a été corrigé et est conforme au fac-similé.
322
NOTES
