dent). Il a les yeux petits, et les aureilles courtes, il est long de vingt pieds, et gros de dix, et est si lourd qu’il n’est possible de plus. La femelle rend ses petits comme la vache, sur la terre, aussi a-elle deux mammelles pour les allaicter : en le mangeant il semble plustost chair que poisson, quand il est fraiz vous diriez 39|| que ce seroit veau : et d’autant qu’il est des poissons cetases, et portans beaucoup de lard, nos Basques et autres Mariniers en tirent des huiles fort-bonnes, comme de la Baleine, et ne rancit point, ny ne sent iamais le vieil. Il a certaines pierres en la teste, desquelles on se sert contre les douleurs de la pierre, et contre le mal de costé. On le tuë quand il paist de l’herbe à la riue des riuieres ou de la mer, on le prend aussi auec les rets quand il est petit ; mais pour la difficulté qu’il y a à l’auoir, et le peu de profit que cela apporte, outre les hazards et dangers où il se faut mettre, cela faict qu’on ne se met pas beaucoup en peine d’en chercher et chasser. Nostre Pere Ioseph me dit auoir veu les dents de celuy qui fut pris, et qu’elles estoient fort grosses, et longues à proportion.
Le lendemain nous eusmes la veuë de la montagne, que les Matelots ont surnommée Table de Roland, à cause de sa hauteur, et les diverses entre coupures qui sont au coupeau, puis peu à peu nous approchasmes des terres iusques à Gaspé, qui est estimé sous la hauteur de 40. degrés deux tiers de latitude, où nous posasmes l’anchre pour quelques iours. Cela nous 40|| fut vne grande consolation : car outre le desir et la necessité que nous auions de nous approcher du feu, à cause des humiditez de la mer, l’air de la terre nous sembloit grandement soüef : toute cette Baye es-
