faire, de peur d’estre assommez ou iettez dans la riuière, comme ils en cherchoient l’occasion, ou quelque couuerture honneste pour le pouuoir librement faire sans en estre blasmez.
Le soir, tout nostre equipage estant de retour, les Sauuages ayant crainte, ou marris du tort qu’ils auoient faict aux François, tindrent conseil entr’eux, et aduiserent en quoy et de combien ils les pouuoient auoir trompez, et s’estans cotisez apporterent autant de pelleteries, et plus que ne valloit le tort qu’ils auoient faict, ce que l’on receut, auec promesse d’oublier tout le passé, et de continuer tousjours dans l’amitié ancienne, et pour asseurance et confirmation de paix, on tira deux coups de canon, et les fit-on boire vn peu de vin, ce qui les contenta fort, et nous encor plus : car à dire vray, on craint plus de mescontenter les Sauuages, qu’ils n’ont d’offenser les Marchands.
Ce Capitaine Sauvage m’importuna fort de luy donner nostre Croix et nostre Chapelet, qu’il appeloit Iesus (du nom mesme qu’ils appellent le Soleil) pour pendre à son col ; mais ie ne pus lui accor-50||der, pour estre en lieu où ie n’en pouuois recouurer un autre. Pendant ce peu de iours que nous fusmes là, on pescha grande quantité de Harengs et des petits Oursins, que nous amassions sur le bord de l’eau, et les mangions en guise d’Huitres Quelques-vns croyent en France que le Hareng frais meurt à mesme temps qu’il sort de son element, i’en ay veu neantmoins sauter vifs sur le tillac vn bien peu de temps, puis mouroient ; les Loups marins se gorgeoient aussi par-fois en nos filets des Harengs que nous y prenions, sans les en pouuoir empescher, et estoient si fins et si ru-
