Cette page n’a pas encore été corrigée
Car quelle forme en moy peut estre emprainte
De sa beauté et louange immortelle,
Veu que je suis, si on regarde à elle,
Auprès du vif une figure peinte ?
Servez la donc, honnorant sa memoire,
Et moy, voyant vostre amour et sa gloire,
Cognoistray mieux mon imperfection ;
Ou s’il est vray qu’en rien je luy ressemble,
C’est seullement de ce qu’en moy s’assemble
Toute envers vous son obligation.
