t’il luy faire voir dans ſes yeux une partie de la douleur qu’il avoit en la quittant. Pour Perinthe, comme il eſtoit de la Maiſon, il vit la Princeſſe avec toute la liberté qu’il euſt pû deſirer : mais c’eſtoit une liberté qui luy eſtoit inutile : puis qu’n’oſoit s’en ſervir, à la luy témoigner la paſſion qu’il avoit dans l’ame : & qu’au contraire, il eſtoit forcé d’aporter tous ſes foins à la cacher. Il ne pût touteſfois empeſcher que ſa melancolie ne paruſt : mais comme l’amitié en peut cauſer auſſi bien que l’amour, la Princeſſe luy sçavoit gré d’une choſe dont elle ſe ſeroit eſtrangement offencée, ſi elle en euſt sçeu la cauſe. Par bonheur pour luy, Doraliſe ne ſe trouva pas aupres d’elle, lors qu’il s’en ſepara : car comme elle avoit deſja quelque ſoubçon de la verité, elle ſe ſeroit ſans doute apperçeüe, que la douleur de Perinthe eſtoit cauſée par une affection plus tendre que l’amitié.
Comme il eſtoit deſja ſorty de la Chambre de la Princeſſe, elle le rapella, afin de luy ordonner de luy eſcrire, auſſi ſouvent qu’il le pourroit, pour luy mander les nouvelles de l’Armée : & en eſchange, luy dit elle, j’obligeray Doraliſe à vous reſpondre quand je ne le feray pas : & à vous mander les nouvelles de Sardis. D’abord Perinthe fut ravi de ce commandement : mais quand il vint à ſonger que cette faveur ne luy eſtoit accordée, que parce qu’on ne croyoit pas qu’elle luy fuſt auſſi chere qu’elle luy eſtoit, ſa joye en diminua de la moitié. Neantmoins venant à penſer, qu’il auroit un avantage qu’aſſurément ſes Rivaux, tous Grands Princes qu’ils eſtoient, n’avoient jamais obtenu ; il en ſentoit quelque conſolation, & en partit moins affligé. De plus, comme le Rival qu’il craignoit davantage, s’eſloignoit auſſi bien que luy, il en eſtoit moins inquiet : auſſi
