d’un bois, tel que le repreſentoit Orſane. Si bien que par là cette Princeſſe eut la conſolation de sçavoir avec certitude, que Spitridate n’eſtoit pas mort des bleſſures qu’il avoit reçeuës : mais en eſchange elle eutla douleur de ne pouvoir comprendre, pourquoy ce Prince ne luy donnoit point de ſes nouvelles. Apres avoir donc eu tout l’eſclaircissement qu’elle pouvoit tirer d’Orſane, il continua ſon diſcours en ces termes. Le Prince Mazare ne m’eut pas plus toſt monſtré celuy que je creûs eſtre l’illuſtre Cyrus, que voyant qu’il n’oſoit tout à fait ſe fier à ce qu’il en penſoit, & qu’il s’en raportoit à moy ; je luy dis par prudence, de peur de quelque faſcheux accident, que celuy qu’il venoit devoir, n’eſtoit aſſurément point celuy qu’il croyoit, quoy qu’il luy reſſemblast aſſez. Mazare eut pourtant beaucoup de peine à me croire : & je penſe qu’il auroit eſté luy meſme s’en eſclaircir, & demander à ce pretendu Cyrus s’il eſtoit effectivement, ou s’il ne l’eſtoit pas, n’euſt eſté que pendant que nous conteſtions, & que Beleſis diſoit au Prince Mazare que je devois vous mieux connoiſtre que luy, & qu’il devoit par conſequent s’en fier à moy : celuy qui eſtoit le ſujet de la conteſtation s’enfonça dans le Bois, & le déroba à nos yeux. Beleſis dit meſme qu’il avoit veû un Eſcuyer qui l’eſtoit venu joindre : ainſi le Prince Mazare fut contraint de continuer ſa promenade. je ne vous dis point. Seigneur, quels furent les ſentimens qu’il eut en cette occaſion : car il n’a jamais pû nous les dire luy meſme, tant ils furent tumultueux, & meſme peu diſtincts dans ſon eſprit. Tantoſt il eſtoit bien aiſe que ce n’euſt pas eſté vous qu’il euſt trouvé : & tantoſt il en eſtoit bien faſché, ſans sçavoir pourtant
