Page:Scudéry - Artamène ou le Grand Cyrus, cinquième partie, 1654.djvu/414

La bibliothèque libre.
Cette page n’a pas encore été corrigée

vouloit aſſurément point ſortir de Priſon, ſi ce n’eſtoit de la main du Roy ſon Pere : & que Cyleniſe ne voudroit pas quitter ſa Maiſtresse, le ne laiſſay pourtant pas de la prier de l’envoyer querir, afin que je luy donnaſſe le Billet de Tegée : & en effet Marteſie le fit. Mais lors qu’elle fut venuë, elle me dit les larmes aux y eux, qu’elle eſtoit bien redevable à Tegée : mais qu’elle ne pouvoit ny perſuader ſa Maiſtresse, ny la quitter. Que la Princeſſe Mandane ayant dit à la Princeſſe Palmis ce qu’il luy eſtoit arrivé, elle avoit oüy leur converſation : & avoit connu que cette Princeſſe croyoit abſolument que Mazare trompoit Tegée & moy auſſi, & avoit un mauvais deſſein : & qu’en ſuitte la Princeſſe Palmis luy avoit fait connoiſtre, que quant à elle, il luy eſtoit impoſſible de le pouvoir plus reſoudre à faire ce qu’elle avoit voulu faire à Epheſe : luy ſemblant que la bien ſeance ne pouvoit ſouffrir qu’elle vouluſt ſortir aveque violence d’une priſon où le Roy ſon Pere l’avoit miſe. Voyant donc que l’aſſistance de ces deux Filles m’eſtoit inutile, je preſſay tant Marteſie de me faire encore une fois parler à la Princeſſe Mandane, qu’enfin elle s’y reſolut : j’entray donc avec elle dans la Chambre, apres qu’elle eut eſté luy en demander la permiſſion, & qu’elle l’eut aſſurée que le Prince Mazare n’y eſtoit pas. Mais quoyque je puſſe luy dire, il me fut impoſſible de luy faire croire ce que je voulois qu’elle creuſt : & tout ce que je pus obtenir d’elle, fut que je l’amenay au point d’en douter ; ce qu’elle ne faiſoit pas auparavant que je l’euſſe veuë cette derniere fois. Cela ne changea pourtant rien à ſa reſolution, ne voulant pas bazarder de ſortirs ſur une choſe douteuſe. Mais Madame, luy dis-je alors, preſuposé que ce que je dis ſoit veritable,