à s’entretenir ſeul, il revint à Beleſis & à moy, avec beaucoup de melancolie ſur le viſage, mais pourtant avec plus de tranquilité dans les yeux, que nous ne luy en avions veû il y avoit pluſieurs jours. Enfin, nous dit il, ma paſſion a cedé : j’ay achevé de la vaincre : & je ſuis reſolu à faire tout ce que la Princeſſe veut, puis que je ne la puis delivrer. Mais comme je ſuis criminel envers le Roy d’Aſſirie, auſſi bien qu’envers la Princeſſe ; & que le voudrois avoir reparé ce crime là, comme j’ay voulu reparer l’autre : je voudrois bien encore que par le moyen de Tegée, & de nos autres Amis, nous puſſions le delivrer.
Comme il diſoit cela, Andramire le vint voir, pour luy dire que les choſes eſtoient en une confuſion eſtrange : que Creſus & Abradate eſtoient broüillez : qu’Abradare & le Roy de Pont l’eſtoient auſſi : que chacun prenoit Party entre tous ces Princes, & meſme le Peuple : qu’un homme apellé Araſpe, qui avoit quitté le Party de l’invincible Cyrus depuis quelque temps, & s’eſtoit jetté dans celuy du Roy de Lydie, fomentoit toutes ces diviſions adroitement : que cependant il venoit, ſuivant ſa promeſſe, l’advertir que le Roy de la Suſiane sçachant que Creſus ne cherchoit qu’un pretexte de le quereller, afin de rompre abſolument le Traitté de l’eſchange du Prince Artamas & de vous, Madame, eſtoit reſolu de quitter ſon Party : & d’autant plus, qu’il sçavoit encore que l’on devoit s’aſſurer du Prince voſtre Pere : qui pour eviter ce malheur venoit de s’en aller déguiſé, pour ſe jetter dans Claſomene. De plus, dit encore Andramite, j’ay sçeu en mon particulier que l’on me veut arreſter : de ſorte que je ſuis au deſespoir de ce que ſans doute vous ne pourrez faire ce que nous avons reſolu : qui eſt de nous aller jetter dans le
