la beauté ſur le Throſne, eſt comme le Soleil dans le Ciel : tout le monde a la liberté de la regarder : & comme cét Aſtre ne prophane pas ſes rayons, quoy qu’il ne les porte pas touſjours ſur des fleurs : de meſme la beauté de la Princeſſe n’enchainant pas touſjours des Rois, ne fait rien qui luy puiſſe eſtre reproché. Cependant ce poiſon ſubtil que Metrobate avoit mis dans l’eſprit du Roy, operoit de là dans ſon cœur : & y j’appelloit quelques legers ſoubçons qu’il avoit eus de l’amour d’Artamene, quand il l’avoit fait mettre priſonnier. Il fit alors redire encore à Metrobate ce que ces Peſcheurs luy avoient dit : mais l’autre ſeignant de ne l’avoir pas allez bien retenu, ny meſme allez bien eſcouté, pour oſer aſſurer que ce qu’il avoit dit fuſt poſitivement vray, offrit d’aller le lendemain de grand matin s’en informer plus exactement. Le Roy qui avoit l’eſprit fort troublé, luy commanda de n’y manquer pas : & de taſcher de deſcouvrir tout ce qu’il pourroit d’une choſe auſſi importante que celle là. Metrobate ſeignit d’eſtre bien marri de l’inquietude qu’il avoit miſe dans ſon eſprit : & luy dit qu’il ſeroit tout ce qu’il pourroit pour apprendre quelque choſe qui luy peuſt mettre l’ame en repos. Cependant Ciaxare n’y eſtoit guere : car ce Prince ſe ſouvenant alors que depuis qu’Artamene eſtoit priſonnier il ne luy avoit jamais fait rien dire pour demander ſa liberté, juſques à ce qu’il euſt sçeu que la Princeſſe eſtoit vivante, trouvoit que c’eſtoit avoir lieu de le ſoubçonner d’eſtre amoureux d’elle. De plus, il ſe reſſouvenoit encore de la violente douleur qu’il avoit teſmoignée avoir à ſon retour à Themiſcire, lors qu’il luy avoit raconte comment il avoit ſecouru le Roy d’Aſſirie, & facilité l’enlevement de Mandane.