gens de qualité tous magnifiquement veſtus, & admirablement bien montez, faiſoit un des plus beaux objets du monde. Le Prince Thraſibule, le Prince Artibie, Hidaſpe, Gobrias, Gadate, Chriſante, Aglatidas, Megabiſe, Aduſius, Thimocrate, Leontidas, Philocles, Feraulas, & mille autres eſtoient de ce nombre : cependant au milieu du tumulte, & malgré tous les ſoings qu’avoit Cyrus, Mandane eſtoit touſjours dans ſon cœur : & tant que cette marche dura, ſans manquer à rien de tout ce qu’il devoit faire comme General d’Armée, il ne manqua non plus à rien de ce qu’il devoit comme Amant fidelle : & il donnoit touſjours toutes les heures qu’il pouvoit dérober à ſes occupations, au ſouvenir de ſa chere Princeſſe. Cela n’empeſchoit pas neantmoins qu’il n’agiſt avec une prevoyance admirable : & par l’ordre qu’il apportoit touſjours aux marches des Armées qu’il commandoit, il ne ruinoit point les lieux de ſon paſſage, & ne laiſſoit pourtant pas ſouffrir ſes Soldats.
Ils avoient donc deſja marché pluſieurs jours & eſtoient deſja arrivez à cent ſtades prés du fleuve Licus, qui ſepare la petite Armenie de la Capadoce ; lors que quelques Coureurs de l’Armée amenerent à Gyrus (qui faiſoit repaiſtre ſes Chevaux, & repoſer ſes gens dans une foreſt) un homme qu’ils diſoient eſtre un Eſpion, & qui avoit toutefois demandé à parler à luy. Mais Cyrus fut bien agreablement ſurpris, de voir que c’eſtoit Araſpe déguiſé en Marchand Armenien, que des Ciliciens qui l’avoient pris n’avoient pas connu. Il l’embraſſa alors avec joye : & le tirant à part à l’heure meſme ; & bien mon cher Araſpe, luy dit il, avez vous eſté plus heureux que Megabiſe ? & sçavez vous plus de nouvelles de la Princeſſe &
