Cette page n’a pas encore été corrigée
qu’il ne falloit pas croire de leger cét homme-cy, encore qu’il eut tousjours eu une bonne reputation, et que les plus gens de bien mentoient quelquefois, soit pour esperance de gain, soit pour autre chose. Cela fut cause qu’ils s’en allerent tous luy faire une infinité de questions pour l’esprouver. Luy voyant que l’on n’adjoustoit pas assez de foy à ses discours se mit à pleurer de grande douleur, en faisant cette plainte. Helas ! Mes bons amis, que vous ay-je fait, que vous doutiez de ce que je vous dy ? Pleust à Dieu qu’il ne fust pas si vray ! Mais jamais je ne menty moins. Et aussi tost une villageoise qui croyoit estre des plus entenduës, le vint interrompre pour luy
