Cette page n’a pas encore été corrigée
tantost la verité. Comme il disoit cela il y avoit d’autres gens dans l’eglise qui dirent qu’il estoit vray qu’un homme habillé de la façon que le berger avoit recité, avoit logé en sa maison, et qu’ils l’y avoient veu entrer le soir precedent. Les paysans reconnurent à cela qu’ils avoient esté trompez, et en furent si honteux qu’ils eussent voulu pour beaucoup n’avoir point parlé de la peur qu’ils avoient euë la nuict. Le curé qui les voyoit parler avec une grande attention voulu sçavoir dequoy il s’agissoit, et comme l’on le luy eut raporté, il s’en vint faire un beau sermon à ces pauvres oüailles fourvoyees, et leur remonstra qu’elles ne devoient point croire ce que les imposteurs leur disoient, et que
