Cette page n’a pas encore été corrigée
bien qu’il n’y ait rien de si certain que le dernier jugement, il n’y a rien de si incertain que l’heure qu’il doit arriver. Apres cela il les renvoya en paix avec sa benediction, et s’en estans retournez à la maison où ils avoient passé la nuict, ils resveillerent tous ceux qui dormoient, et entre autres le maistre auquel ils raconterent ce qu’ils avoient apris. Comme il vit que c’estoit un fou qui leur avoit donné toute la crainte qu’ils avoient euë, et que c’estoit son berger qui avoit esté trompé le premier, et puis qui avoit trompé les autres, il se mit en une furieuse colere, et excita toute la compagnie contre luy, tellement qu’ils se mirent à battre ce pauvre homme, et l’eussent assommé de coups de poin, s’il ne les eust
