Cette page n’a pas encore été corrigée
l’autheur de son histoire en auroit parlé, et c’est en cela que ma croyance demeurera tousjours ferme. Il faut croire qu’Anselme eust eu tort s’il eust tasché d’oster à Lysis, une opinion si rare et si excellente comme celle qu’il avoit ; aussi n’y fit-il aucun effort, et il l’y laissa pour s’en donner plus de plaisir, luy asseurant que toutes les choses qu’il luy disoit, ne faisoient que le confirmer au desir qu’il avoit d’estre berger comme luy, mais qu’une chose luy troubloit l’esprit merveilleusement, c’estoit que s’ils vouloient aller en Forests, il faudroit quiter le sejour de la belle Charite, sans
p50
laquelle Lysis ne pouvoit vivre. Il respondit qu’il avoit bien tousjours son
