Cette page n’a pas encore été corrigée
gé à cela, mais qu’il esperoit que dés la premiere fois qu’il pourroit parler à elle, il useroit d’un propos si charmant, qu’elle s’acorderoit à venir avec eux se faire bergere. Anselme dit qu’il trouvoit cela fort bien, si cela se pouvoit faire, et là dessus Adrian s’en vint avecque des valets à sa suitte, qui aportoient à disné. Il dit à Lysis qu’il vouloit vistement prendre son repas pour le remener à Paris, et que tout alloit en desordre à sa maison, lors qu’il n’y estoit point, pource que sa femme n’estoit pas bonne mesnagere ; que les garçons de sa boutique s’entendoient avec la servante, et qu’elle leur donneroit la clef de la cave, afin d’aller boire son
