Cette page n’a pas encore été corrigée
loin, et le devançoient pour le voir passer derechef. Les petits enfans s’amassoient par troupes, et alloient apres sa queuë, criant comme ceux de Paris, quand ils voyent des mascarades. Anselme ne les pouvoit faire taire, et ce n’estoit pas comme le jour precedent, qu’ils n’estoient suivis de personne, pource que c’estoit un jour ouvrable. Ceste canaille malicieuse, jettoit des pierres à Lysis, si bien qu’ayant esté frappé d’une, par le milieu du dos, il n’en put endurer davantage, et se retournant le chapeau à
