Cette page n’a pas encore été corrigée
iee, lors que de certains baladins inconnus soufflerent tous les flambeaux, et firent un desordre nompareil. Parmy ce tumulte l’on dit que l’espousee fut ravie, par un de ses premiers amans, et pour Genevre il y eut Gismond qui l’emmena, et la mit dans un carrosse qui l’attendoit en la ruë. Cependant celuy qui avoit tousjours caqueté avec elle, parla bien haut dans la salle, et se fit remarquer par la servante, qui ne sçavoit où estoit sa maistresse. Comme elle le luy eut demandé, il luy respondit qu’elle estoit avec luy, et qu’elle le suivist. La servante croyant cela, alla apres luy, taschant tousjours de le reconnoistre parmy l’obscurité, et lors qu’ils furent en la ruë où il ne faisoit guere
