Cette page n’a pas encore été corrigée
au matin dessus sa fenestre. Il disoit en soy-mesme, qu’elle croiroit que ce seroit quelque oyseau qui l’y auroit aportee avec son bec, ou plustost l’amour qui vole aussi bien que les oyseaux. Avec cette mediation il arriva en la maison d’Anselme, et sçachant qu’il estoit couché il voulut bien employer son temps. Il acheta du jardinier sept ou huict bouquets à demy fanez où il y avoit des oeillets, de la gyrofflee, du soucy, et quelques autres fleurs, et il les attacha tous ensemble à une longue fiscelle, puis il resortit avec le laquais, luy faisant prendre l’eschelle qui l’importunoit tant, que s’il n’eust craint de desobeyr à son maistre qui luy avoit enchargé de faire tout ce que Lysis luy diroit, il luy
