Cette page n’a pas encore été corrigée
demy consommez. Quand ma lettre a esté escrite il a coupé un petit bout de la corde de son arc dont il la liee, et il m’a donné de la cire de son flambeau pour la cacheter. Considerez, belle bergere, si m’ayant assisté si favorablement, il fera plus de difficulté de me donner toutes ses flesches pour vous blesser, et vous rendre malade de la mesme maladie de celuy qui se dit vostre esclave, Lysis. Anselme prit bien du plaisir à voir cette lettre qui estoit composee à la mode de la plus part de celles que plusieurs ignorans font aujourd’huy, lesquels s’excusent seulement de ce qu’ils n’ont point escrit il y a long-temps, ou de ce qu’ils ont pris la hardiesse d’escrire, et ainsi employent
