Lors qu’elle disoit cecy Anselme qui avoit tout veu s’estant caché derriere des arbres, s’en vint l’apaiser, luy remonstrant que Lysis avoit voulu l’obliger, en prenant une mouche qui luy alloit picquer le nez ; et Lysis dit que c’estoit la verité, et que le plus grand malheur estoit qu’il n’avoit sceu attraper ceste meschante beste pour la punir du mal dont elle venoit d’estre cause. Anselme demanda apres à Charite s’il y avoit quelqu’un au logis. Elle luy respondit que tout le monde estoit sorty, mais que Leonor et Angelique reviendroient bien tost, tellement qu’il dit qu’il faloit entrer dans la maison pour les attendre. Charite y estant se mit à coudre en linge, afin de reparer le temps qu’elle avoit perdu, et Lysis luy voyant moüiller son
