Cette page n’a pas encore été corrigée
(...) de tout, et vous voudriez que je ne fusse pas habillé comme eux, moy qui suis de leur profession. Il n’y a respect qui tienne, je ne veux pas faillir si lourdement. Pensez vous qu’un conseiller de la cour auroit bonne mine en son siege avec un court manteau, cependant que les advocats plaideroient devant luy avec leurs robes longues. Anselme ne sçeut que respondre à cette remonstrance, et voyant l’opiniastreté de Lysis il luy permit de se mettre avec luy dans son carrosse habillé en berger, hormis qu’il luy fit oster sa pannetiere, et qu’il luy empescha de prendre sa houlette, ce qui eust esté une chose trop ridicule. Pour un manteau Lysis n’en voulut point prendre, et toutefois ceux qui le virent dans la ruë, ne
