Cette page n’a pas encore été corrigée
connurent pas sa maladie, car l’on croyoit que ce fust quelque gentilhomme fantasque qui avoit voulu avoir un habit à la legere. Quand ils furent à l’hostel de Bourgongne Anselme y treuvant trois ou quatre seigneurs de ses amis, se mit avec eux dans la loge du roy, ayant tousjours le berger à costé de luy. Les comediens ayans commencé leur pastoralle, Lysis leur presta une grande attention, et voyant venir sur le theatre une fort belle bergere, il dit, elle est bien parfaite, mais Charite l’emporte dessus elle. Comme celle cy parloit toute seule dans un boccage, il vint un satyre qui la voulut ravir, mais aussi tost il se treuva là un berger
