Cette page n’a pas encore été corrigée
de rendre du service à leur grand roy lesquels estoient desja arrivez. Vulcan qui est accoustumé à se tenir pres du feu, avoit eu charge de faire la cuisine avec ses cyclopes qu’il avoit amenez. Il les faisoit tous bon-voir avec la chemisette verte, le tablier blanc, et la calotte noire sur l’oreille. Le premier mets qu’ils apresterent fut de l’ambrosie qu’ils deguiserent en une infinité de façons, pour ce que cette viande qui estoit fort commune aux dieux, ne leur donnoit point d’apetit quand elle estoit en son naturel. Vulcan en mit en des potages, il en fit des estuvees, des fricassees, des pots pourris, et des bisques. Mais tout cela n’estant pas grand’chose, il remonstra à Jupiter
