Cette page n’a pas encore été corrigée
que puis qu’il estoit question de faire un festin solemnel, il faloit avoir d’autres viandes. Jupiter luy ayant donné la permission d’ordonner de tout comme bon luy sembleroit, il fit apeller Platon et quelques autres philosophes qu’il avoit envoyé querir tout expres aux Champs Elysees. Il leur commanda de luy ayder, et de monstrer qu’ils n’estoient pas inutiles au monde comme plusieurs leur avoient reproché. Platon eut charge de faire cuire ses idees, ce qui devoit estre un manger fort delicieux pour des bouches divines, et un autre qui avoit tousjours tenu que les ames estoient corporelles, receut un commandement de prendre celles des bestes qui se mouroient, et principalement qui estoient sacrifiees, à fin
