Cette page n’a pas encore été corrigée
vous pas changer ? Il faut que vous sçachiez que quand l’on se fait berger, on observe la mesme coustume que quand l’on se rend moyne ; l’on change tousjours de nom : desguisez au moins les vostres. Nous n’en ferons rien, repartit Montenor, car nous avons chacun une vieille tante qui n’a point d’enfans ; elle ne nous reconnoistroit plus pour ses heritiers, si nous avions quitté le nom de nostre famille. Bien donc, passe pour cecy, reprit Lysis, mais vous voyla tous deux vestus de drap d’Espagne gris, ne changerez vous point d’habit ? à la verité cettuy-cy est assez pastoral suivant mon opinion, gardez-le : il me plaist fort ; si le mien estoit encore à faire, j’en voudrois avoir un pareil. Le gris est tousjours bon
