Cette page n’a pas encore été corrigée
tirant à part, luy dit, qu’il connoissoit quasi toute sa maladie, qu’il luy falloit un peu adhérer, le laissant là encore quelque temps entretenir ses pensées ; et que cependant il le prioit de luy aprendre qui il estoit, s’il en avoit loisir. Adrian luy respondit qu’il vouloit bien le faire, croyant que quand il sçauroit toute la vie de son pupille, il pourroit mieux luy aider à luy oster les fantaisies qu’il avoit dans l’esprit. Ayans dit cecy ils se retirèrent fort loin de Lysis, qui estant seul se mit à resver sur ses amours, sans songer à leurs propos : et Adrian qui estoit un honneste homme, mais qui estoit fort simple, comme sont la plus part des bourgeois, et ne sçavoit autre chose que son traffic, continua
