prendront icy la charge dans quelque grotte. Elles auront des caracteres d’argent, et se serviront moins d’ancre que d’or et d’azur. ô heureux le papier où seront imprimees mes belles avantures ! ô heureuses les mains qui y travailleront ! ô heureux ceux qui liront de si rares choses ! Mais encore plus heureux le berger Lysis, qui les aura faites, et toy Clarimond qui les auras descrites ! Apres ce beau discours Clarimond sçachant qu’il se contentoit que son histoire fust mise en prose luy promit de la faire, encore qu’il n’eust guere d’envie de se donner ce travail. Il estoit si tard qu’il ne s’en put retourner en son chasteau. On luy fit aprester un lict dedans la chambre où avoit desja couché Lysis. Toute la nuict le berger l’empescha de dormir ;
