Cette page n’a pas encore été corrigée
il luy demandoit tantost une epithete, et tantost une rime. Clarimond qui estoit un garçon aussi plaisant qu’il y en ait en France, prenoit plaisir à luy dire les plus crotesques mots du monde, afin de le faire faillir. Sur la pointe du jour comme il commençoit à s’endormir, Lysis se leve et le resveille en courant par la chambre, et criant tout haut : je l’ay treuvee, je la tien, c’est la plus belle reprise de chanson qui jamais fut faite. Je sçay quelle mesure je donneray à tous les couplets, et mon air sera plus beau que pas un qu’ait jamais fait Guedron. Ny a t’il donc pas moyen de dormir avec vous ? Dit Clarimond, vous m’avez rompu en
