Cette page n’a pas encore été corrigée
amis de me dire de quelle vacation il vouloit estre. Il me respondit que je le laissasse en repos, que l’heure d’y songer n’estoit pas encore venuë, et qu’en attendant il vouloit estre comédien, et que c’estoit une charge qui ne payoit point la paulette, et qui estoit bien excellente, puis qu’encore qu’un comédien fust de toute sorte d’estats l’un apres l’autre, il n’en achetoit pas un. Cette résolution me pensa faire mourir, car je l’ay tousjours aymé autant comme s’il estoit mon fils, mais je connus enfin que tout ce qu’il m’avoit dit n’estoit que par manière de passetemps. Toutefois il continua sa pernicieuse lecture à laquelle il employoit des mois tous entiers, sans estre dehors qu’une demie heure le dimanche pour aller
