Cette page n’a pas encore été corrigée
ayant ouy cecy reconnut aussi tost que c’estoit là l’homme que luy avoit figuré Clarimond, et estant fort resjouy de cette rencontre, il luy dit qu’il pouvoit venir librement sur les lieux qui luy apartenoient, et dans sa maison aussi, qui n’estoit jamais fermee aux hommes de merite. Je rends donc graces au destin qui m’a fait venir icy, reprit Lysis, un pauvre amant comme moy, peut recevoir bien de l’assistance d’un tel homme que vous ; vous sçavez le pouvoir des herbes et des pierres, et par vostre magie vous donnez toute sorte de remede aux affligez. Hircan voyant alors que Lysis le prenoit pour un enchanteur, le voulut entretenir
