Cette page n’a pas encore été corrigée
Encore n’est-il pas mal-seant d’en avoir, dit Hircan, il y a des femmes qui ont bien plus de barbe que cela, quant ce ne seroit que nostre servante de cuisine, toutefois faites-là couper si vous voulez. Il ne se faut pas esbahir, si j’en ay peu, repartit Lysis, car depuis trois ans qu’une toison d’or est venu orner mon visage, encore qu’elle fust fort belle, je l’ay tousjours fait raser de 8 jours en 8 jours, et me suis tousjours froté les matins avec une pierre ponce, pour l’empescher de croistre et ne paroistre point si vieil, mais principalement pour estre prest à me déguiser en fille, aux occasions qui s’offriroient comme j’en ay tousjours eu beaucoup d’envie. Lysis ayant
