Cette page n’a pas encore été corrigée
lieu où estoit la platine, sur laquelle les servantes de Floride faisoient seicher leurs collets ; elles l’aporterent et la misrent au milieu de la cour. Amarylle ne tenoit point toutes ces choses cy pour des feintes, elle avoit veu une semblable avanture dedans l’histoire aethiopique ; et si l’on la vouloit esprouver par le feu, elle se souvenoit bien encore d’une Melite, dont il est parlé dans les amours de Clytophon et de Leucippe, laquelle fut mise à l’espreuve de l’eau. Elle se deschaussoit donc pour monter sur la platine, lors qu’un gros valet d’estable faisant semblant d’estre curieux, y toucha du bout du doigt seulement. Il le retira aussi tost en s’escriant, ha ! Je brusle, j’
