Cette page n’a pas encore été corrigée
tout bon traitement. Adrian remercia Anselme de cette courtoisie, et luy dit qu’il vouloit à tout hazard esprouver s’il pourroit luy mesme obtenir quelque chose sur l’esprit de son cousin. En devisant ainsi ils s’avançoient tousjours vers Sainct Clou, et Anselme y mena Adrian à toute force, pour disner chez luy, luy disant qu’il falloit laisser Lysis dans les champs jusques au soir, pour voir s’il auroit la patience de s’y tenir n’estant importuné de personne. Pendant leur absence le nouveau berger prit son repas des fruicts dont il s’estoit garny, et s’alla abreuver à la rivière. Plusieurs paysans passèrent asses près de luy, mais il n’y en eut pas un qui eust la hardiesse de l’acoster :
