Cette page n’a pas encore été corrigée
iller Lysis, et pour se donner quelque satisfaction en amour, il se proposoit de suivre le conseil de Clarimond, et de tascher de parvenir à la jouissance. Estant en cette pensee, il s’en alla promener luy seul aux environs du chasteau. Il y avoit desja passé une demie heure, lors qu’il vid deux femmes sur le grand chemin, lesquelles s’aprochoient de luy petit à petit. Enfin il reconnut que c’estoit la jardiniere d’Oronte et la belle Charite. Il se cacha derriere une haye pour n’estre point veu, et comme elles passerent par là, Charite dit à l’autre, je ne sçaurois plus marcher si je ne me repose ; il nous faut asseoir icy. Elles se misrent à l’instant sur l’herbe, et Lysis prenant de la hardiesse autant qu’il luy en faloit,
