Cette page n’a pas encore été corrigée
les vint aborder. Elles luy aprirent qu’elles alloient en pelerinage à Sainct Fiacre, et luy aussi tost changeant de discours se mit à donner des loüanges à la beauté de Charite qui s’estoit augmentee par la chaleur qu’elle avoit euë en cheminant. La jardiniere qui n’entendoit rien à tout cecy, se leva de sa place, et dit à sa compagne qu’elle s’en alloit tousjours devant au petit pas, et qu’elle ne pouvoit demeurer assise. Le berger se voyant seul avec sa maistresse, voulut pratiquer l’art d’aymer que luy avoit enseigné Clarimond, et prenant premierement la belle main qui luy avoit ravy le cœur, il la voulut baiser. Charite la retira incontinent, de sorte qu’il fut contraint de luy dire, ma belle si vous ne voulez que je
