mais qu’il pourroit bien sçavoir ce qu’il desiroit par quelque autre moyen ; et qu’au reste si Fontenay l’offençoit en quelque façon que ce fust, il luy en feroit avoir la vengeance. La dessus il luy monstra son petit bois, et luy dit que tous les arbres qu’il y voyoit avoient esté autrefois des hommes qu’il avoit ainsi metamorphosez, pource qu’ils avoient fait tort à luy ou à ses amis intimes, et que pour s’enrichir en un moment, il ne trouvoit rien de plus aisé que de se faire ainsi une forest de tous ses ennemis, laquelle estoit aussi tost preste a couper. Lysis qui avoit leu depuis peu les metamorphoses d’Ovide où il y a des choses bien plus incroyables, adjousta foy a cecy fort facilement ; il se delibera d’estre tousjours des amys d’Hircan, afin qu’il ne luy fist
