y, et c’est pour moy qu’elle a de la passion : tous les jours elle me recherche, et neantmoins je ne me laisse point aller à ses apas ; car j’ay une infinité d’autres plus belles maistresses. Ce fut a ce coup que Lysis se mit en colere tout a bon ; il s’en alloit desja vers Fontenay pour le fraper, mais Hircan le retint par le bras, et le mena promener d’un autre costé tandis que Clarimond entretint son ennemy. Lysis demanda à Hircan s’il n’avoit point quelque miroir magique dans lequel il pust voir s’il estoit vray que ce Fontenay fust aymé de sa bergere. Hircan luy respondit qu’il avoit cassé le sien de despit qu’il avoit eu d’y voir une de ses maistresses entre les bras d’un de ses rivaux, et qu’il n’avoit pas encore eu le loisir d’en faire un autre,
