Cette page n’a pas encore été corrigée
apris que les arbres mangent, et ne sont pas privez de tous les contentemens du monde : mais tout cela n’est rien au prix du plaisir de se voir avec des nymphes si belles comme estoit nostre hostesse, devant laquelle Diane estoit si honteuse de paroistre, qu’elle se cachoit le plus souvent avec le voile d’un nuage. Helas ! Diray-je le reste ? Est-il permis de publier de muettes caresses, dont l’on me favorisoit mesme sans m’en parler ? Ouy, je te lés puis dire, pourveu que tu t’aproches pres de moy, et que ce zephire qui vole icy alentour ne l’entende point. Il est si babillard que dés qu’il sçait quelque nouvelle, il la va conter par tout, et la souffle aux oreilles de ceux qui passent.
