Cette page n’a pas encore été corrigée
ces rondeaux dorez, que portent les saincts de village. Anselme ayant ouy en bref toutes ces choses, se douta bien que c’estoit Hircan qui l’avoit voulu tromper ; il s’en retourna tout aussi tost en aprendre l’histoire à Clarimond, et à Montenor, et des qu’ils eurent desjeuné, ils s’en allerent voir ce faux dieu de riviere, qui leur donna bien du plaisir en leur aprenant toutes les particularitez de son avanture nocturne. Ils eussent esté fort aises de jouyr une fois seulement d’un bon heur pareil au sien, et faisant partie pour aller voir Lysis la nuict avec les autres deitez, ils resolurent de ne le point voir de tout le jour, de peur qu’il ne leur prist envie de luy persuader qu’il n’estoit point un arbre, et que le
