Cette page n’a pas encore été corrigée
p212
luy ayant fait croire, ils ne perdissent le contentement qu’ils esperoient. Il est bien vray qu’Anselme l’ayant pris en sa charge des mains de son parent, estoit obligé d’essayer de le guerir de sa folie : aussi avoit il envie de le faire : mais ce n’estoit que le plus tard qu’il pourroit, et s’il pretendoit de le faire sortir de son saule, pour le mener de tous costez, et avoir le moyen de voir plus souvent Angelique, ce ne devoit estre qu’apres avoir pris son plaisir de luy. Hircan estant de son avis ils firent complot ensemble de tascher à faire devenir Lysis homme, par une seconde metamorphose, apres qu’ils se seroient bien resjouys avec luy : car ils craignoient qu’il ne luy arrivast du mal tout à bon, s’
