Cette page n’a pas encore été corrigée
pour ceux qui ayment bien besogne faite. Clarimond eust fasché Lysis par ce discours, n’eut esté que l’ayant apellé poëte au commencement, cela l’avoit tellement contenté qu’il ne songeoit point au reste. Il estoit si aise de se voir mis au rang de ces honnestes personnes, qu’il en mordoit ses levres, et ne pouvoit tenir dans sa peau. Anselme parla au lieu de luy à Clarimond, et luy remonstra qu’il avoit tort de blasmer les delices d’un siecle que tous les hommes regrettoient. Il se tourna apres vers le berger, et luy demanda quelle voye il desiroit tenir pour accomplir ses beaux desseins. Que ferois je autre chose sinon de persuader à tous mes amis d’estre bergers comme moy ? Il
