Cette page n’a pas encore été corrigée
bien consideree. Nullement (repartit Carmelin, voulant reparer sa faute) je vous ay tousjours dit la verité. Je croyois l’avoir veuë la premiere fois, encore que ce ne fust qu’en passant, mais l’ayant hier regardee à mon aise, j’ay treuvé en elle tant de belles choses que je n’avois pas remarquees, que je croyois ne l’avoir jamais veuë. Lysis fut adoucy par cette subtilité qui luy pleut merveilleusement. Il demanda en suite à Carmelin s’il n’avoit point veu la maistresse qu’il avoit envie de luy donner. J’ay bien veu une grosse truye de servante que l’on apelloit Jacqueline, respondit Carmelin, mais pour une fille digne d’estre ma maistresse, je n’en ay point veu. Tu és fort degousté, dit Lysis, mais je ne
