Cette page n’a pas encore été corrigée
si elle n’avoit rien à luy commander outre ce qu’elle luy avoit dit à la derniere veuë, elle luy respondit un peu rudement, je vous commande que vous ne m’obeissiez plus ; et au mesme instant, elle s’en retourna par où elle estoit venuë, sans faire aucune ceremonie, pource que c’estoit ainsi que sa maistresse luy avoit conseillé de faire, en luy aprenant le discours qu’elle avoit tenu. Lysis demeura aussi insensible qu’une souche, de sorte que Carmelin le voyant fiché tout droit sans dire mot, crut qu’il dormoit tout debout, et le vint tirer par les basques de sa jupe pour le resveiller. Laisse moy, luy dit Lysis, pourquoy m’oblige-tu à parler ? Si j’eusse esté encore un quart d’heure en
