Cette page n’a pas encore été corrigée
laris qui me punisse. Le berger desolé fit beaucoup de pareilles plaintes en marchant tousjours avec Carmelin, et comme il treuva un chemin qui conduisoit à la maison de Montenor, il le voulut suivre luy tout seul, pour dire quelque chose à Anselme. L’ayant treuvé de bonne fortune, il luy demanda s’il avoit encore dans sa boiste l’echo de Sainct Clou, pour ce qu’il luy sembloit qu’il estoit temps de s’en servir, et qu’il avoit treuvé une petite caverne fort propre à estre sa demeure. Anselme luy respondit qu’il avoit esté fort soigneux de garder une si gentille petite nymphe, et qu’il vouloit bien alors luy en faire present. Tout aussi tost il le quita, et estant revenu un peu apres luy mit
