Cette page n’a pas encore été corrigée
maladie que ny la medecine ny la saignee ne pouvoient guerir. Il envoya tout expres un laquais vers Montenor et Anselme pour leur aprendre les nouvelles actions que le berger avoit faites. S’ils n’eussent point eu à entretenir quelqu’un qui les estoit venu visiter, ils eussent esté voir ce pauvre malade. La nuict venuë Lysis se coucha comme de coustume, mais il n’eut guere de repos. Le ressouvenir du commandement de sa maistresse luy troubloit la pensee ; il ne faisoit que pousser du coude Carmelin pour le resveiller, et luy en demander de nouvelles explications. Je ne sçaurois tant repeter de fois une chose, luy dit Carmelin, au moins attendez au jour à m’interoger. La nuict n’est faite
