Cette page n’a pas encore été corrigée
voir le jour. Treuveriez vous bon que je devinsse amoureux d’elle ? Pousse Carmelin, ce sera bien fait, dit Lysis, je me figure desja l’amour qui tient l’arc tout prest à te decocher une flesche. Desboutonne toy ; ouvre ton estomach pour te preparer à recevoir ce coup. Viste fay ce que je te dy. Carmelin ne manqua pas d’obeyr à son maistre, sans sçavoir presque ce qu’il faisoit, tant il estoit joyeux : car il avoit tousjours cru à entendre parler Lysis, qu’il n’avoit qu’à choisir une fille, et qu’il la luy feroit bailler en mariage, si riche et si belle qu’elle fust. Au mesme temps Hircan les ayant aperceus les vint salüer. Ne vous resjouyssez vous pas d’avoir maintenant une si bonne compagnie, dit-il à Lysis, voyla des bergers
