Cette page n’a pas encore été corrigée
qu’il n’y en avoit point, et que ce n’estoit qu’une mesme chose ; les autres me donnoient des differences fort mal establies, et quelques uns ne me respondoient rien du tout. Comme Clarimond achevoit ce discours, le reste de la compagnie arriva en ce lieu, tellement qu’il parla ainsi aussi tost ; à quoy est-ce que ces belles dames sont d’avis que nous passions la journee ? Quel entretien choisirons nous ? Pour moy je trouverois à propos que l’on joüast au jeu de la pensee, car il y a desja long temps que Lysis ne me parle d’autre chose. Je m’en vay vous dire de quelle sorte est ce jeu. Il y en a un qui va demander aux autres, à quoy pensez vous ? Et chacun luy dit sa pensée. Apres il dit un tel à pensé cecy,
