Cette page n’a pas encore été corrigée
p399
fut tout ravy d’avoir ouy de si grands secrets, et Meliante feignit de ne l’estre pas moins. Floride luy demanda pourquoy il n’avoit point fait venir sa maistresse, dequoy il s’excusa sur l’humeur solitaire de ceste belle fille. Angelique demanda aussi où estoit allé Carmelin, et pourquoy il n’estoit point venu leur raconter luy mesme ses prouësses. Lysis respondit qu’il n’avoit point voulu venir à la chasse comme les autres. Polidor dit en mesme temps, que son cousin Meliante, estoit bien plus heureux que luy, et que par le bon secours que l’on luy avoit donné il avoit eu sa maistresse, au lieu que pour luy il estoit fort eloigné de la sienne, et ne sçavoit s’il pourroit jamais entrer en sa faveur. Mes intentions