sont plus belles et plus justes que les vostres, repartit Meliante, voyla pourquoy le ciel les à favorisees. J’ayme une sage et honeste dame, en servant laquelle je croy rendre hommage à la mesme vertu : mais quant à vous, vous souspirez pour une Rhodogine que j’ay ouy tousjours estimer aussi publique que les carrefours. Mourez hardiment pour elle, puis qu’elle vous donne tant de tourment ; vous y aurez autant de gloire comme Quintus Curtius en reçeut à se jetter dans l’abysme de Rome, car vous mourrez pour la chose publique. Polidor fit semblant d’estre fort en colere pour ces paroles trop libres, mais il n’y eut point de coups ruez pour cela. Hircan mit la paix par tout ; il asseura Meliante qu’il se trompoit en son jugement licentieux, et quant à Polidor
