que des parties de despence de cuisine. Il n’en fit pas grand conte, croyant que cela se fust mis là par hazard, mais pour le gand il le serra dans du papier tout blanc pour le monstrer quelque jour à Philiris, et luy donner un tesmoignage du dessein qu’il avoit eu de ravir Charite, ce qui devoit autant embellir son histoire, que s’il l’eust ravie en effect. Comme il estoit avec Carmelin qui luy parloit de diverses choses, Fontenay et les autres bergers arriverent dans sa chambre. Il fut tout estonné de les voir habillez en gentils-hommes des plus braves. Quoy leur dit il, me voulez vous quitter ? Mes chers amis. Ne voulez vous plus estre de l’heureuse condition que vous aviez prise avec moy ? Helas ! Qui est celuy qui est cause de ce desordre ?
